سمكة الاسكامتشا

هذا الموضوع مهدى الى الاخ الكريم ابن مطروح

الاسم العلمى : Ablennes hians
الأسرة : Needlefishes
الترتيب : Beloniformes (أسماك الإبرة)
فئة : شعاعيات الزعانف
الاسماء الشائعه Belone melanotus ، Strongylura melanota ، Tylosurus melanota

أقصى طول : 150 سم
اقصى وزن :6.350 كجم
اقصى عمر : 4 سنوات
العمق : 0 : 13 م

التوزيع
جميع أنحاء العالم في المياه الاستوائية والمعتدلة الدافئة. شرق المحيط الأطلسي وشمال خليج المكسيك وفي جميع أنحاء المحيط الهندي. غرب المحيط الهادئ و البحر المتوسط

هاجر إلى الجزء الشرقي من البحر الأبيض المتوسط عبر قناة السويس.

وصف موجز
اسطوانيه الجسم طويله اللون فضى مع اخضر او ازرق من الجهه العلويه
الفم مدبب على شكل منقار مدبب الفك السفلى و العلوى متساويين بكل فك صف من الاسنان الحاده



يتغذى على الأسماك الصغيرة (البساريا و السردين ).

طرق الصيد
من الاسماك اللى بنصطادها على العايم
يفضل الصيد بالماكينه لان حتاخد منها بالبوصه و بعد فتره قليله حتوسع و حتبقى بعيده عن مدى البوصه و ممكن تجمعها بالزفر
ساق واسع 1 متر و 75 سم شعر 25 و سنار 7 و فله متوسطه فوق الرصاصه بحوالى 20 سم و بعدها بحوالى 40 سم بنحط فله اكبر و الرصاصه تتناسب مع الفله المتوسطه


كيف تعرف ان السمكة موجودة :
ارمي عيش بسيط علي سطح الماء و تابعة اذا وجدت هناك اى علامات اكل للعيش هذا يدل على وجود السمكة .
و من علامات تواجدها ايضا وجود (ظهور) ريم على سطح الماء .
الطعم المستخدم :
جمبري برغوت
جمبري عقر مقشر

وهذة صورة لها
[ندعوك للتسجيل في المنتدى أو التعريف بنفسك لمعاينة هذا الرابط]

يوجد ايضا مثيلتها او شبيهتها وهى شبية لها فى كل شىء فحبيت اضيفها للموضوع وهى سمكة

الزنجاريا Hemiramphus far

أقصى الطول : 45.0 سم
اقصى وزن : 800 جرام


من اسماك السطح اقصى عمق لها 4 متر

المناخ / المدارى.

التوزيع
بين الهند وغرب المحيط الهادئ و البحر الأحمر وشرق أفريقيا و شمال استراليا.
هاجر إلى الجزء الشرقي من البحر الأبيض المتوسط عبر قناة السويس



وصف موجز


الفك السفلي على شكل منقار مدبب ؛ الفك العلوي قصيرة و اللون مزرق فى الظهر ، فضي على الجانبين والنصف السفلي من زعنفة الذيل أطول من النصف العلوي. الزعانف الصدرية صغيرة نوعا ما
مع بعض البقع السوداء على الجانب العلوي من الجسم
تتغذى على الاسماك الصغيره و القشريات

اما طرقة الصيد فنفس طريقة اختها سمكة الاسكامتشا فهما زى مقلنا متشابهين فى كل شىء تقريبا

ودة صورة ليها [ندعوك للتسجيل في المنتدى أو التعريف بنفسك لمعاينة هذا الرابط]

ويارب اكون قدرت افيدكم

السلام عليكم استاذ سيمون
فى الحقيقة كان شرحا ممتازا ولكن لى بعض التسائلات
من الفلة الكبيرة الى نهاية الشعر هل ضرورى ان نضع فلة صغيرة ؟ انا بصراحة دخت كثير كل ما اريد ان اصتاد ياتى لى واحد من الصيادين ويقول لى هذا غلط ( بسبب الفلة الصغيرة التى الفلة الكبيرة المحشية رصاص و السنار رقم 7 ؟ والسبب هو ان الفلة الصغيرة بتخوف السمكة
ومرات يقولوا لى لا يجب ان تضع الفلة الصغيرة حتى تعرف اكلة ام لا ؟
واما بخصوص السنار احيانا يقولون لى رقم 7 واخرين يقولو لى خذ حجم صغير واخرين يقولون لى خذ 9 و اخرين 10 ووووووو
والسؤال الاخر ما هو الفرق بينها وبين سمكو (الزنجاريا ) وهل توجد فى بحر مطروح
وشكرا لك احترامى وتقديرى

اولا اخى الفرق بينهم اعتقد وضحتة فى الموضوع ولو كنت تقصد من ناحية الصيد فهى واحدة وضح سؤالك اكثر وانا تحت امرك هل توجد فى مطروح ام لا بصراحة معرفش ممكن الصيدين هناك يفدوك اكثر منى اما نوع الصنار رقم 7 مناسب جدا لئنة معقول مش كبير الصنار الصغير ممكن يفرغ السمك منك او يفرد مع السمك لئن نوع السمكة الى بتتكلم عنها كبير مش صغير فصنار 7 بالنسبة ليها صغير اصلا موضوع وضع الفلة ضرورى اخى علشان تعرف لاكل ومعلومة بيخوف السمك دة مش صحيحة لئن السمك مش بيشفها اصلا لسمك بياكل من تحت الفل زى مقلنا هى سمكة عائمة ياعنى مش فى القاع واللة الموفق

السلام عليكم
بصراحة فيه صيادين يقولون ليس بالضرورى ان تضع الفلة الصغيرة واخرين يقولون لابد ان تضعها كى تعرف اكلة السمكة ام لا
والسؤال الاخير واتمنى ان تجبنى عليه هو
متى تكون السكامتشا متواجدة بكثرة ؟ هل فى فصل الشتاء مثلا ؟ وهل استطيع ان اصتادها بالعجين عن طريق الحداف ؟ وهل هى متواجدة طول العام ؟
ولك تحياتى وشكرى

اخى العزيز انتا مش مركز خالص معيا انا بئلك اسئل الصادين ان كانت موجودة فى مياة مطروح ام لا انما موضوع الفلة دة ضرورى وخلصنا منة والموسم بتعها الان هى شغالة كويس الان فى اسكندرية وجزيرة نيلسون اليومين دول كوس جدا وبيطلع منها كميات كبيرة الموسم بتعها فى الشتاء اخى وانا شخصيا زى اليومين دول بصطاد الزنجاريا من المنتزة و في المياة العالية جدا
بس معرفش النظاام فى مطروح ئية عندكم ومش ينفع فيها صيد الحداف زى مئلنا دة سمكة عايمة مش فى القاع واى استفسار تانى تحت امرك ومستنى ردك تانى عليا والمتابعة انا متابع معاق متقلقش

شكرا استاذنا الكريم على الاضاح هذا بارك الله فيك انا بصراحة مبتدئ فى الصيد يعنى تقريبا لى سنة ولكن احببت هذه السمكة جدا . هى مرات تظهر فى هذه الايام ومرات تختفى سمكة الاسكامتشا ومرات ارى فى صيادين يصتادوها هى والسمكة الاخرى الرفيعة الطويلة (الزغرانة ) هكذا تسمى هنا فى مطروح . مرة سمعت انها تتكاثر فى فصل الشتاء لانها تحب المياة الباردة اشكرك مرة اخرى والسلام عليكم وكل عام وانتم والجميع بخير

عفوااخى وانا تحت امرك وتحت امر اى عضو فى اى استفسار وربنا يوفقق يارب

الله ينور على الشرح الجميل اوى اوى
كلامك كله صح لانى من عشاق السمكة دية ليه متعة فى الصيد .... لسه من يومين كنت بصتادها .... وكانت كتير فى الميه

ربنا يخليك يا وائل انتا نورت موضعى بالرد علية هى فعلا سمكة ممتعة فى صيدها

سمكة شكلها رائعة وصيدها ممتع