اتعرف على صياد مثلك

السلام عليكم ورحمت اللة وبركاتة



انا بجد سعيد علشان اشتركت فى منتدى عظيم زى دة واعضائة فعلامحترمين

طبعا فى كتير مننا بيخرجوا للصيد لوحديهم وكمان فى كتير بيكونوا عايزين يذهبوا لادوار بعيدة
بس مش بينفع علشان لوحديهم والاماكن البعيدة عايزة المة وكمان فى الى بيحب يبيت على المية
وبردة مش بيلئى حد يشجعة علشان كدا انا بقترح اقتراح كل واحد هنا يكتب اسمة ورقم تليفونة ومنطقتة
والدور الى بيحب ينزلة وطبعا كل واحد هيشوف الى قريب من منطقتة ومناسب لية ويقوم بعمل اتصال معاة
وبكدا يبقى محدش هينزل لوحدة وكمان ييحصل ترابط فعلى بين الاعضاء




اتمنا اكون افتكم واسف لاطالة

اهلا وسهلا بك ونورت المنتدي
واحنا سعداء اكتر بوجوك بيننا

انت عارف اننا حاليا في الشتاء والرحلات بتبقا قليلة لان الجو مش مضمون لكن مش معني كدا اننا مش بنظم او بنطلع رحلات صيد

على العموم انا من عين شمس
وتحت امرك لو حبيت يبقا في رحلة نطلع فيها وتبقا تعارف بحضرتك قبل ما تكون رحلة صيد

وراسلني هنا في الموضوع

واتشرفت جا بمعرفتك

واللة يا اخى العزيز فلاش انا الى فعلا سعيد بمعرفتك وشرف ليا انك ترد على موضوعى
انا متابع مواضيع فى المنتدى وكلها فعلاا مواضيع رائعة وجميلة عموما انا فى المعادى
ربنا يسهل كلامك صح
انا فعلاا مريح بردة الفترة دة شويا لان الفترة دة بتاعت التشميط وانا مش بحبة بصراحة
بس اكيد لينا لقاء ودة يكون شرف ليا طبعا انى اتعرف بشخص زيك

انا من المعادى وغاوى صيد وبطلع رحلات فى البحر الاحمر انا ومجموعة من زمايلى وباصطاد من النيل بس الايام دى للاسف معظم الاماكن اللى كنا بنصطاد منها فى النيل قفلوها لكن برضه بنكتشف اماكن جديدة وبنطلع نصطاد
بس الايام دى مش بنطلع لانى انا مش باحب التشميط وكمان فى الرحلات الجو متقلب والنوات بتبداء ولكن ممكن نتشرف بيك فى المجموعة بتاعتنا وعلى فكرة (الاخ فلاش ده رجل عنده معلومات كويسة جدا عن الصيد وعن اماكن الصيد وانا قرأت له عدة مواضيع عن اماكن وانواع الطعم وهو ملم فعلا بالصيد والطرق والادوار ده من حيث مقالاته ولكن انا ما حصليش الشرف للتحدث معاه

اهلاا بيك اخ محمود كلامك صح فعلا دول يومين التشميط انشاء اللة اول ميبدا الموسم يكون شرف ليا الانضمام
الى مجموعتك وتشرف بمعرفتكم خصوصا انى قريبين من بعض وفى ادوار كتير قريبة مننا متقلقش وادوار كويسة بناخد منها سمك كويس على فكرة ممكن نحط ايملات بعض مؤقت لو حابين بحيث يحصل تعارف بنا انا هبدا بروحى وحط ميلى للتواصل بس الى يبعت اضافة يبعت رسالة يقول انة عضو فى الصيد و الهويات علشان اقبلة


الميل
[ندعوك للتسجيل في المنتدى أو التعريف بنفسك لمعاينة هذا الرابط]

اانا من مدينة اسمها بلبيس فى محافظة الشرقية وعندنا ترعة الاسماعلية ودى فيها انواع كتير من الاسماك والصيد فيها متعه خاصتنا بعد العصر مع ترمس الشاى والاصدقاء

اهلاا بيك اخ محمد وباهل بلبيس معروفة طبعا وترعة الاسماعلية غانية عن التعريف واليومين دول يومين صيد الثعابين فيها انشاء اللة هننزل ليك يوم نقضى هناك وبردة لازم نعزمك عندنا تنورنا تصطاد من النيل

السلام عليكم الاخ سيمون والاخ فلاش الصياد
أنا سعيد جدا بالموضوع للتعارف وعمل طلعات مع بعض فى الصيف باذن الله
أنا كريدى الصياد معى مجموعة من الاصدقاء بنطلع مع بعض ونحن من منطقة شبرا مصر وشبرا الخيمة
كل طلعاتنا على النيل كورنيش النيل وترعة الاسماعيلية والقناطر الخيرية.
بس بجد نحن الان نريد عمل طلعات الى الاسكندرية والبحر الاحمر ونريد اصدقاء للتعارف والتعلم من خبراتهم فى الادوار المختلفة وصيد البحر نسعد بالتعرف عليكم فالحمد لله نحن مجموعة محترمة حريصة فالتعامل مع أشخاص مثلنا تبحث على التعلم الجديد فى الصيد كهواية ممتعة تعلم الصبر وتصفية الذهن والهدوء .

اهلاا بيك اخى كريدى طبعا شرف كبير لينا الانضمام ليك ولمجمعتك وانشاء اللة لما يبداء الموسم

لينا لقاء مع بعض

أنا ملاحظ أن كل الناس الموجودة هنا ناس محترمة و أنا يشرفني أن أطلع معاكوا في رحلات صيد ،
أنا ساكن في عين شمس و متعود على صيد البحر و مبتدأ في صيد النيل طلعت مرتين في ترعة الاسماعيلية و مرة في ترعة مش عارف أسمها في وسط سيناء بس بصراحة أتعقدت من النيل ....
لو ممكن ننظم رحلات مع بعض زي ما أقترح الأخ سيمون ده يبقى شيء جميل أن الواحد يتعرف على ناس محترمة زيكو أرجو التواصل على الميل مع ذكر أنك من منتدى الصيد و الهوايات

الميل بعد أسبوع نظراً لأني عضو جديد

بالتوفيق للجميع

اخى العزيز اهلاا بيك عضو جديد معنا الصيد فى النيل بيكون صعب شويا ومحتاج مهرات وصبر خاص

اهلاا بيك معنا ونتشرف انك تطلع معنا رحلات صيد وكمان خبرتنا لمتواضعة تكون تحت امرك انوى انتا بس

وانشاء اللة نتقابل وكلها حاجات بسيطة وهيبدا الموسم لو امكن راسلنى على الميل

والله احنا كدا مجموعة زي الفل ان شاء الله نتقابل ونطلع رحلة واسف على تاخر الرد معلش مش بفتح المنتدي على علاطول
وشكرا استاذ محمد ثابت واستاذ سيمون واساتذ كريدي منورين المنتدي والله

ولاا يهمك اخى فلاش انا كمان اسف على التاخر على الرد بس برضة مش بفتح المنتدى كتير زى حلاتك انوى انتا بس وحدد المكان والزمان وانشاء الة هيكون فى اقبال من ااعضاء وانا تحت امرك

انا اكيد الرد واصل متئخلر اوى و احنا فى الصيف و الكلام دة كان فى الشتاء و يارات حد يكون من دائرة دار السلام و المعادى و مصر القديمة و نتجمع و نطلع طلعة بنت جنية علشان انا لسة جديد فى الصيد و هاوى جداً و عمرى مطلعت مع حد
علطول كدا مع نفسى و ربنا بيرزئنى

انا اسمي محمد سليم من القاهره - دار السلام بالفعل المجموعه الموجوده ممتازه ونفسي نتواجد مع بعض
في رحلات صيد نهري وبحري - علشان انا بصطاد لوحدي دائما . وشكرا لاسره المنتدي

اهلاا بيك اخى العزيز mohamed selim شرف لينا واللة نطلع مع بعض اهلاا بيك ونورت موضوعى بالرض علية ياريت ترسالنى على الياهو ابعت اضافة ليا وقول انك عضو فى الصيد والهويات علشان اقبلها ونتفق ونتقابل خصوصا احنا قريبين من بعض واهلاا باى حد تانى يحب ينضم لينا

اهلاا اخى محمد كابو ياريت ترسالنى ياهو علشان نتفق ونطلع سوا احنا هنبئى مجموعة هايلة واللة الميل انا حططة قبل كدا وهحطة تانى
[ندعوك للتسجيل في المنتدى أو التعريف بنفسك لمعاينة هذا الرابط]
اى حد يحب يشرف وينور ميلى يضفنى نتعرف اكثر ونتفق وتحت امر اى حد كمان فى استفسار عن اى حاجة

انا محمد من شبرا مصر وبجد تعبت من الصيد فى الكورنيش عايز اغير هو العيب فيا عاوزافهم اكتر واتعلم اكتر من حضراتكو اتمنى الرد واتمنى اطلع معاكو طلعه

اهلاا بيك الاخ محمد وبكل ناس شبرا اجدع ناس واللة حضرتك بتقول زهئت من صيد الكورنيش ممكن توضح اكتر عايز تطلع مالح ياعنى ولاا عايز تغير وتصطاد من النيل بس اماكن جديدة والعيب مش فيك ولاا حاجة الموسم دة كان تعبان شويا ياريت توضح طلبك بالضبط وفى جميع الاحوا احنا تحت امرك فى الى عايزة ونتشرف انك تطلع معنا

شكرا على هذا الموضوع الشيق للتعرف على رحلات الصيد الجماعيه
انا من سوهاج وبنزل القاهره كتير اتمنى اخرج لرحلة صيد بالليل معاكم
واميلى [ندعوك للتسجيل في المنتدى أو التعريف بنفسك لمعاينة هذا الرابط]

بالطبع تنورنا اهلا بيك وبكل اهل سوهاج واخبار سوهاج ئية ياطرى انا بسمع عنها كل خير فى الصيد

{{{{{ السلام عليكم ورحمه الله وبركاته }}}}}

شرف ليا انى اتعرف على ناس زيكم
انا وائل من اسكندرية من عشاق الصيد جدا جدا ..... المشكلة انى بسهر على البحر لوحدى واصدقائى بطلوا صيد بسبب الجواز ... او لبعد المسافة بنا .

لو اى حد عاوز اى معلومة فى اسكندرية يسال على طول

اهلا بيك وائل احنا سعداء بنضمامك الينا واى حاجة احنا بردة تحت امرك

السلام عليكم
هل توجد لديكم كتب او مجلات عن صيد السمك في البحر الابيض المتوسط
عنوان [ندعوك للتسجيل في المنتدى أو التعريف بنفسك لمعاينة هذا الرابط]

للاسف اخى لا يوجد كتب لدى او مجلات بس انتا ممكن تتصفح عن طريق النت وتعرف المزيد من المعلومات
النت الان سهل امور كثيرة بضغطة واحدة هتعرف لى عايزة وتشوفة صور وفديو كمان اسف انى مش هعرف البى طلبك ومعلش بئى انامتستئصدق كلى كدا ههههههههه
مش عندى هوت لو حابيب ضفنى ياهو وانا تحت امرك فى اى شىء

انا من مدينة الدلنجات محافظة البحيرة
واتمني ان اتعرف علي صيادين محترفين بالقرب مني
وخصوصا انا مبتدء
وانا اذهب لترعة النوبارية للصيد
وانا هبقي احط الايميل بتاعي بعد اسبوع عشان قوانين المنتدي
000000000000000000000 ولكن انا عندي سؤال 00000000000000000
........................................يعني اية تمشيط؟؟؟؟؟؟؟؟؟؟؟؟؟؟؟؟؟؟؟؟؟؟
ولية انتو بتقولوا ان الوقت ده مش الموسم

اولا اخى ahmedss اهلاا بيك فى المنتدى نورتنا ثانيا التشميط او ( التلطيش ) طريقة للصيد عبارة عن انك بتجيب اكثر من صنار ممكن يوصل عددهم لاكثر من 10 وبيكون حجمة كبير بتركبهم فوق بعض فى بيركبهم مفرد وفى مجوز ودة بتسمى سبحة وبترميها من غير طعم وتنتش مرة واحدة بقوة وطبعا من اسمها طلطيش ياعنى بتطلتش وانتا وحظك تصادف مرور

سمك بيدخل السن فى اى مكان فى جسمها وسعات بيجيب سمك تقيل ممكن حجمة يعدى واما عن انتهاء موسم الصيد فالزروة فى 7و8 و 9
لئن درجة الحرارة بتاثر على السمك وفى البرودة انواع معينة الى بتاكل زىالثعبان دة بياكل فى البرودة الشديدة وبيكون لية ادورا مش فى اى مكان

انا اسمى سامح ومن عين شمس واتمنا انضم ليكم ولمجموعتكم

اهلاا بيكالاخ الكريم سامح نورت المنتدى ونورت موضوعى انشاء اللة لينا لقاء مع بعض شرف ليا

احب انضم ليكم انا تامر من شبرا

انا ريمون من الشرقية ويشرفنى اكون من فريق المنتدى والاستفادة من مواضيعة

احب ان اتعرف عن الاماكن القريبة منى وفيها ادوار كويسة