دور جديد

سلام الة عليكم ابدا كلامى بالصلاة على النبى المختار محمد صلى اللة علية وسلم كل الادوار اللى اشارتو اليها زى الفل وباطلع علىكتير منها اما الدور الجديد ودة لاجل الامانة انا لسة ماطلعتوش ولكن تعرفت على اخ وزميل صيد ورانى حاجات جميلة جايبها من المية بتاعة ايتاى البارود وبالتحديد كفر اسعد وما بعدة تعابيين بسما اللة مشاء اللة مشفتش زيها والسمك تقيل قوى وان شاء اللةطالعة بكرة للتجربة الفعلية واللة الموفق

السلام عليكم ورحمه الله
اولا اسف على تأخر الرد
وشكرا على الموضوع بس عاوزين تكملة يعنى تحدد المكان ومش لازم تحدد الدور بس المكان فين ؟
ويا سلام لو معاك صور للسمك وتشرح طريقة صيد معلش انا بتقل عليك بس ده هيبقى افادة للكل

واهلا بك فى منتداك

بسم اللة الرحمن الرحيم اخوكم فى اللة حسن الحمد للة انا طلعت الدور الى نوهت عنة من قبل ايتاى البارود توصل لحد هناك وتسال على كفر مساعد انا غلط فى الاسم المرة الى فاتت هيدلوك الناس الى هناك وعلى فكرة الناس هناك كرمة جدا وكويسين اما عن طريقة الصيد هناك انا جبت 3ثعابين وبياضة محملة اقل ثعبان كيلو ونص الصيد عادى جدا ولكن الخيط على المكنة 60 والرمال مش اقل من 40 او 50علشان الغلطة تقيلة ومحملة اما عن التصوير ان شاء اللة هاصور بعد كدة وهارسلة ان شاء اللة ولو فى اى استفسار تانى ارجو المراسلة والسلام عليكم

شكرا على التكملة والتوضيح وانشاء الله بالتوفيق
نورت المنتدى يا ا/حسن

نورت المنتدى يا ا/حسن

شكرااا استاذ فلاش

استاذ /hassanfahmy48
بعد التحيه
انا رحت مره ايتاى البارود مع صاحبى علشان نصتاد التعبان فى شهر 1
يعنى عز البرد
لكن للاسف لم نوفق فى صيد التعبان ابدا
مع ان الميه بتقول ان فيها سمك حلو
وكنا قاعدين عند محطه القطار فى ايتاى البارود
وناس قالولنا ان كفر مساعد فيها تعبان حلو
بس احنا مش عرفنا نروح هناك
فا يا ريت توصفلى ازاى اروح كفر مساعد والدور فين بتاع التعبان لانى نفسى اصتاد تعبان فى الشتاء
للعلم انا من شبرا الخيمه
ارجو من حضرتك وصف للدور بالتفصيل
ولك تحياتى

اتاي البرود في محافظة البحيرة وهي مدينة صغيرة جدا تضم عدة قري ريفية اذا ذهبت الي هناك وسالت علي اي قرية هناك مثل كفر مسعد الف مين هيوصلك
وتذهب الي اتاي البارود من موقف عبود ولا انصحك بركوب قطر اتاي حيث انه بطئ جدا
وحينما تصل الي اتاي اسال اي واحد راكب توكتك وهو هيوصفلك المكان
ولعلمك البلد دي كلها توكتك
واتمني ان اكون وضحت لك اكثر