للى عايز يمشى قانونى

التصاريح المطلوبه للصيد و التخييم فى اى مكان فى مصر و على النيل

. اولا علشان تطلع تصريح مبيت في أي حتة على الحدود (بحر أحمر, بحر متوسط ,...) لازم الأول تطلع رخصة صيد ودي بقى بـتطلعها من "الهيئة العامة لتنميه الثروة السمكية" ودي محتاجة
"2 صورة شخصية + 1 صورة بطاقة شخصية " ومكان الهيئة دي فى الجيزة

-تطليع الرخصة هياخد حوالي من 10 إلى 15 دقيقة .. والتكلفة حوالي 30 جنيه
- الرخصة دي مدتها سنة واحدة .. يعني بعد سنة لازم تجديدها ودي بـتتديلك الحق إنك تصطاد في النيل من فوق الكبري وكده ...
2. كده إنت معاك الرخصة .. عاوز بقى تطلع التصريح "تصريح حرس الحدود " وده بيطلع من حتة اسمها "قيادة قوات حرس الحدود - مجمع الخدمات" وده بقى موجود في فرع من شارع الطيران (أنا بـصراحة مش فاكر العنوان بالضبط) بس أنا فاكر إنه بعد فندق سونستة اللي موجود في شارع الطيران من ناحية صلاح سالم .. يعني إنت هتخش شارع الطيران من صلاح سالم وهتلاقي فندق سونستة على يمين وبعده مصلحة الجمارك هتكمل برده على طول تقريبا هتخش بعد كده تاني يمين هتخش فيه تكمل لحد آخر الشارع وبعد كده شمال في شمال هتلاقي مركز حرس الحدود
- إنت محتاج (صورة البطاقة الشخصية + صورة الرخصة (رخصة الصيد اللي طلعتها من ميدان الجيزة ) + اصل الرخصة علشان يتأكد إنك مش ضربها )
- التصريح بيخد حوالي من 10 الي 15 دقيقة برده .. وبيبقى صالح لمده 3 شهور بس (ممكن ناس تقولك طلع 4 تصريح كل واحد بـ 3 شهور يبقى كده معاك سنة .. أنا هاقولك لأ متعملش كده علشان ده مش ينفع دلوقتي أنا حاولت أعمل كده اللي لأ ماينفعش .. مش ينفع يطلعلك أكتر من تصريح واحد بـعد 3 شهور بس يعني ) ..
- التصريح بيسمحلك إنك تصطاد في أي حتة من السويس لحد شلاتين ومن اسكندرية لحد مطروح ومن راس السدر لحد شرم الشيخ يعني كل اللي تحلم بيه ...
- تكلفه التصريح ده 4 جنيه بس ...

شكرا على الموضوع الرائع اخ سيمون
وشكرا على مجهوداتك معانا في المنتدي

معلومة قيمة و مكنتش اتوقع حاجة زى كدا ولا كان ليا علم بيها و تحياتى ليك

مشكوووووووور انتا كنت بسئل من زمان ان كان فى تصاريح ولا لا للصنارة