السلام عليكم ورحمة الله وبركاته
الصيد فى المياه العزبة وبالاخص الصيد فى النيل المصرى وفروعه
وانا من عشاق الصيد النيلى وكم سافرت فى جميع انحاء مصر من اجل الصيد فى النيل وفروعه واكتسبت خبرة لا بأس بها رغم صغر سنى فأنا منذ العاشرة عمرا وانا مولع بالصيد وكم تعرفت على اشخاص كثيرون بسبب الصيد واجمل ما تجده فى صحبة الصيد انك تجدهم دائما اشخاصا طيبون ولاتجد ابدا بينهم شخصا سيئا
ولكن الاهم بعد ذلك هو الصيد نفسه حتى تكتمل المتعة من هذه الهواية
ولكن للاسف فى الاعوام الاخيرة تدهورت احوال الصيد فى النيل المصرى ولا اعرف الاسباب واصبحت كل عام بعد عام الى الاسوء
ولكن سنظل نحب وندمن هذه الهواية
ولاحظت فى اخر رحلاتى الى الصيد فى النيل انتشار سمكة الانوم بشكل كبير وانا لا احب هذا السمكة لا فى صيدها ولا اكلها واصبحت فى كل طلعة صيد لى وفى اى مكان خصوصا القاهرة ووجه قبلى لا اصتطاد الا هذه السمكة التى اصبحت متوفرة بشكل غريب وكل ما عليك ان تضع سنارا صغيرا وتضع الطعم وتلقى به وستعرف هذه السمكة طريقها اليك
مع انى اجد صيادون فرحون بصيد هذه السمكة التى لا اجد لها قيمة بالنسبة لى
وقلت جدا اسماك البياض واصبحت لا اصتطاد منها الا الاحجام الصغيرة واضطر الى السفر بعيدا السويس او بورسعيد علشان اصطاد بياض وابعد عن الانوم
الذى اصبح يلازمنى
المهم انا فى فكرة بتدور فى دماغى بأله كتير وهى ايه عندى حوض سمك زينا فى البيت بفكر اخصصه للسمك النيلى وان انا اجيب انواع سمك نيلى نوعين مثلا زى الانوم والبلطى وادرس سلوكهم مع بعض ونبدل انواع مش لازم النوعين دول
وكمان ندرس سلوكهم فى الاكل فى النور وفى الظلام مثلا
وده ممكن يفيد فى ايه الصيد علشان لما نروح فى مكان نصطاد ممكن من خلال نظرتنا للمياه نقدر نعرف ايه انواع الاسماك وهل ديه بيئه تقدر تعيش فيها السمك الى احنا عاوزين نصطاده ولا لا
وممكن التجربة ديه اعرف منها حاجة مكنتش اعرفها قبل كدة
يعنى عالم فاضيه بقا
المهم ان لازم يبقى جديد بالنسبة لى فى الصيد
وبعدين من اخر اكتشافتى ان الطعم (العلق) الى كل الناس بتشيله فى الثلاجة ردئ فى الصيد
وان الطعم لما بيكون بره الثلاجة وفريش كدا بيفرق فى الصيد بنسبة 99%
ومجرب بنفسى
وكمان حاجة
العود الطرى عود الريم فى صيد الحداف احسن من العود الجبر الناشف ال هو بتاع الحداف والسمكه التقيله بتاكل عليه احسن بكتير
الممتع فى صيد السمك انك لو بتصطاد يمامة على شجرة وانت شايفها كانو كل الصيادين ارتاحوا من شدة الفضول
عدل سابقا من قبل فلاش الصياد في فبراير 4th 2012, 18:49 عدل 1 مرات