منتدى الصيد و الهوايات
شكلك كدا بتلف كتير فى المنتدى ومش ناوى تسجل ياحلو
اشترك معانا دلوقتى

منتدى الصيد و الهوايات

منتدى الصيد و الهوايات
 
الرئيسيةالبوابةالأحداثالمنشوراتبحـثالتسجيلدخول

شاطر | 
 

 فسفور الصيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
simon2008
مشرف متميز
مشرف متميز
avatar

السيرة الذاتية : اعشق صيد الاسماك لدرجة الجنون ومستعد للذهاب الى اى مكان بة صيد وفير احب التعرف على اصدقاء جدد باستمرار مدام صداقة لا يدخل بها اى مصالح واعشق ايضا الالكتريونيات
ذكر
الثور
عدد الرسائل : 96
العمر : 35
تاريخ التسجيل : 13/12/2011

مُساهمةموضوع: فسفور الصيد   فبراير 23rd 2013, 17:10

النهاردة هنتكلم عن فسفور الصيد كتير من اخوتنا المبتدئين مش بيعرفوا بيتركب ازى ولا بيستخدم ازى نبدا على بركة اللة

وهو عبارة عن أنبوب مملوء بمزيج من مادة الفوسفور الإشعاعية وهي مادة تضئ في الليل وتم انتاج هذا الانبوب للمساعدة في الصيد بالليل يباع فى محلات ادوات الصيد يوجد منة المفرد ياعنى الكيس بيكون فية واحدة بس ودة بيكون سعرة 1 جنية ويوجد منة المجوز ياعنى الكيس فية 2 دة بيكون بجنية ونصف 1.50
فى منة اشكال وانواع كتيرة منها الردىء ومنها الجيد احسن نوع لية بيكون لون الورقة بتاعتة موف والفرق بيكون فى قوة الاضائة طبعا واستمرار الاضائة لفترة زمنية اكبر ودة معروف عند الصيدين او لغة الصيدين ومحلات الصيد بالموف ياعنى لما تسئل علية قول لصاحب المحل فى فسفور موف وهو هيفهم بعدية بيجى نوع بيكون مرسوم علية نحلة بس دة اضرب الايام دة

طريقة تركيبة بتكون على حسب عملية الصيد الى هنقوم بيها وتقريا هى 3 اشكال كالاتى:

الطريقة الاولى :
وذلك بتثبيت انبوب الفسفور فوق سطح الماء مباشرة و ذلك بتثبيتة فوق (الفلة – العوامة- الطافية ) .
الفائدة من هذة الطريقة هى معرفة مكان (الفلة – العوامة – الطافية) و متابعة حركتها و تستخدم عند الرمي الى مسافات بعيدة – كما انها عند الرمي على مسافة قصيرة تكون الفائدة منها هى تحديد (تقليص – تصغير – تركيز )منطقة صغيرة للضوء و تساعد على تجميع اسماك اكثر فة هذة المنطقة و بذلك يسهل عملية الصيد .

[ندعوك للتسجيل في المنتدى أو التعريف بنفسك لمعاينة هذه الصورة]

الطريقة الثانية :
ودة خاصة للى بيستخدموا الحداف وقدمهم طرقة من اثنين دة او جرس وذلك بتثبيت انبوب الفسفور فوق طرف (لبلوب) القصبة (البوصة) وطبعا لما بتفتح كيس الفسفور بتلئى زنىء مع الفسفور بلستيك ممكن تاخد واحدة منهم وبنقطة امير تلزقة فوق البلوب بحيث تشيل وتغير فى الفسفور برحتك احسن متحطة فى البرق لى هو اول دبلة وبكدة تكون ابتكرت حاجة كويسة من شىء بسيط
الفائدة من هذة الطريقة هى متابعة حركة طرف القصبة (اللبلوب) و تستخدم عند الرمي الى مسافات بعيدة باستخدام ماكينة الصيد . و تساعد ايضا على اضاءة المنطفة التى يتواجد بها الصياد .
ودلؤت تم اختراع فليشر جديد موجود فى محلات الصيد صينى ثمنة 25 جنية بينور احمر ولما يجى اكل ينور اخضر لما البلوب يتحرك يديك النور اخضر بدل احمر هتقلى طيب ما الهواء هيحركة هئلك بتوع الصين ولااد عفريت عميلة على حركة اللبلوب الى بيكون فيها نتش ياعنى اكل وبس الهواء بيحرك يمين وشمال ودة مش هيغير لونة مش بئلكم بتوع الصين دول ولاد عفريت[ندعوك للتسجيل في المنتدى أو التعريف بنفسك لمعاينة هذه الصورة]

الطريقة الثالثة :
وذلك بتثبيت انبوب الفسفور فوق الطعم مباشرة .
الفائدة من هذة الطريقة لفت انتباة الاسماك الى الضوء و تستخدم عند الصيد من قارب (مركب -لنش) و ذلك لانك بتكون بترمى على اعماق كبيرة لا يصلها الضوء من السطح.ودة طبعا غالبا بيكون فى المالح






[ندعوك للتسجيل في المنتدى أو التعريف بنفسك لمعاينة هذه الصورة]

ويجب ان نعرف ان انبوب الفسفور المضيئ لة العديد من الفوائد منها تجميع وجذب الاسماك المحبة للضوء وكذلك الحبار (السبيط) و بذلك يسهل صيدها و كذلك اضاءة المكان الذى يتواجد بة الصياد ليلا

ودة شكلة بوضوح ومعة الزنىء الى قلتلكم علdة ودة بيدخل فى الشعر ويتزنىء بية الفسفور وفى كمان زنىء بلستيك بيتباع للفل يزنىء الفل وفوق فتحة لتركيب الفسفور فية الكيس بيكون فية 10 بحولى جنية ونصف

[ندعوك للتسجيل في المنتدى أو التعريف بنفسك لمعاينة هذه الصورة]

واخيراشوية نصائح ومعلومات كداعلى الماشى :

1- الفسفور الى بيتلفة الرطوبة ياعنى حاول الحفاظ علية فى مكان جاف
وممكن يكون تالف اصلا عند المحل الى اشتريتة منة وانتا على المية تفجىء انى نورة ضعيف جدا وطافى ومش هينفع تشترى غيرة علشان انتا فى مكان بعيد طيب والحل تجيب ولاعة وتسخن علية بس من بعيد على قد متقدر علشان ميسحش طبعا لئنة بلاستيك زى منتم عارفين هتخرجة منة الرطوبة وهيشتغل صحيح مش بنفس الكفائة بس احسن من مافيش

2- لو روحت يوم بدرى وكانت الفسفورة لسا فيها كتير وعايز تشيلها لتانى يوم تعمل ئية علشان متخلص نحطها فى الفريزر بعد شويا هتلئى نورها طفا واكنها مش شغالة وقبل متذهب للصيد تطلعها وتخدها تستخدمها تانى الفريزر بتاع الثلاجة بيفصلها تماما

3- تجنب انك تدى الفسفورة لطفل يلعب بيها او تحطها فى فمك او لو انكسرت وانتا بتكسرها والمادة الى جوها جت فى يدك انك متغصلش يدك كويس لئن المادة الى بداخلها سامة جدا

واخيرا يارب اكون قدرت اوصل معلومة مفيدة


[ندعوك للتسجيل في المنتدى أو التعريف بنفسك لمعاينة هذه الصورة]simonelmistro
الرجوع الى أعلى الصفحة اذهب الى الأسفل
 
فسفور الصيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الصيد و الهوايات :: قسم الصيد والقنص :: صيد الاسماك-
انتقل الى: