منتدى الصيد و الهوايات
شكلك كدا بتلف كتير فى المنتدى ومش ناوى تسجل ياحلو
اشترك معانا دلوقتى


منتدى الصيد و الهوايات
شكلك كدا بتلف كتير فى المنتدى ومش ناوى تسجل ياحلو
اشترك معانا دلوقتى

منتدى الصيد و الهوايات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الصيد و الهواياتدخول

منتدى الصيد و الهوايات


descriptionjhiuhjتعلم الصيد بالريم باحتراف

more_horiz
التعريف:
الريم وهو نوع من الطحالب المائية التى تتواجد فى البيئة الطبيعية للاسماك وهى لا تصلح الا للاسماك التى تتغذى على النباتات وهو نبات اخضر ينمو علي جنبات احجار النيل وفي اي مكان يوجد به هدار او منحدر كبير للماء
وهناك نوعين من الريم هما ( الزفر ) و (الأسواني) أما الزفر بيكون مش مغسول كويس و خشن حبتين ولونه أخضر غامق و فيه دود أحمر رفيع جداً ( الدود مش شرط) أما الأسواني فلونة أخضر زرعي و شعره

انواع السمك :
البلطى والبنى والمبروكة


اوقات الصيد :
أفضل وقت لصيد الريم فى الصيف أو يكون الجو دافى وفى بعض الناس بتقول فى الشتاء علشان بيكون الريم جف من النيل بسبب خسسان المياة والشمس بتحرقة والسمكة بتكون محتاجة حاجة خضراء تكلها بس دة بيكون غلطات وبصراحة مختش


اماكن الصيد :
لازم يكون الدور المية ماشية يعنى مش واقفة
ويفضل في صيد الريم إن يكون الدور بجوار الليخة (نبات الحلفا أو البوص)
ويسلام لو المكان بية حجارة قديمة ومعتقة يبئى تام جدا
تجهيز الدور:
الطريقة الأول :
((ودي بتستخدم في الأدوار الضيقة)) وهية نجيب ورقة ريم (لفة ريم 50 جرام ) و ناخد قبضتين طين من الأرض و نقسم ورقة الريم إلى جزئين و نحط الريم بالطول في كل قبضة طين بحيث يكون فيه شرشوبة من النحيتين و نرميه في المية في عكس إتجاه التيار بمسافة 20 متر من المكان إللي إنته قاعد فيه و الطين هيتفتت لوحده و يخرج الريم شعرة شعرة .

الطرية الثانية :
و تسمى البراشوت (ودي بتستخدم في الأدوار المفتوحة)) وهية بتاخد من الريم هنا مجموعة شعر بمجموعة شعر المجموعة بحيث نقسم ورقة الريم على عشرة و نربطها بخيط قطن في حجر صغير في حجم البلحة وتلقى بالعشرة في شكل نصف دايرة حولك و على مسافة 20 متر

الطريقة الثالثة
نأتى بزجاجة مياه معدنية و نضع بها تذكرتني ريم مقطعة و مفرية وتوضع في الزجاجة المملوءة نصفها ماء و ترج جيداً و يتم تفريغ محتواها أمامك عند ردة المياة حتى يخرج الريم عن المنطقة التى ترغب في الصيد منها

طريقة الصيد :
خيط الترميل يفضل ان يكون خفيف يعني 20 او 18
السن 10 او 12 لان السمكه بتبلع فدائماً اختار سن الريم مفتوح والحربه حاميه وطويله وتكون السلكه رفيعه
ولو الدور غويط وما فهوش شر كبر السن حسب حجم السمك

ويتم اخذ خصله من الريم رفيعه طولها10 سم
وتمسكها من المنتصف
وتضعها على رأس السن من المنتصف من عند الخيط بحيث يكون الطرفين سايبين
وتبدأ تلف النصف الاول على السن بدايه من رأس السن المترمل وتظل تلف حوالي 6 لفات الى ان تصل الى سلاح السن
ثم تبدأ بلف النصف الثاني فى الاتجاة العكسي للف النصف الاول
وتسيب الباقي مدلدل من السن

الفله صغيرة ورصاصه توزنها بحيث ما يكونش ظاهر من الفله غير الشفاطة

لما تكون رايح تصتاد في حتة جديدة بالريم تاخد معاك ورقتين زفر وورقتين أسواني و تحضر الدور بتاعك و تجرب الزفر ساعة و الأسواني ساعة و تشوف اى منهم هيشتغل أكثر

طريقه حفظة :
في ورق جرائد مبلل ولازم يكون رطب دائماً ويتم وضعها فى درج الثلاجة قبل الصيد بيوم واحد ليس اكثر
لانها ان لم تكن طازة بتشيط وتسود واثناء الصيد تكون فى مكان ضل ولو الميازة زادت قوى ممكن تعفن ياعنى توكن مندية كدا
وفى الصيد تاخد معاك فوطة وتبلهابستمرار وتعصرها خليها مندية ياعنى

العدة المطلوبة :

- غابة رقعة ودة علشان الغزل والرمال بيكون ضعيف ياخد ويدى معنا لو جبر ممكن الغزل ينقطع بسهولة
2- ماكنة وسط عليها غزل 25 او 20 من نوع جيد
3- الرمال بيكون وشط طويل غزل 15 او 18 ويفضل طبعا من نوع جيد بردة
4- فلة حجم صغير ونوزنها كويس بحيث ميبنش منها غير الشفاطة او ياعنى تكون على الشعرة
5- السن 10 او 12 لان السمكه بتبلع فدائماً اختار سن الريم مفتوح والحربه حاميه وطويله وتكون السلكه رفيعه
ولو الدور غويط وما فهوش شر كبر السن حسب حجم السمك
6- بنجيب رصاص قشر ودة بتباع بالمتر المتر بحاولى 3 جنية بنقصة حتت صغيرة ونحطة فوق لصنار فى لغزل بحوالى
4 سنتمتر علشان يخلى الريم ميطفوش فوق سطح الماء

طريقة الصيد :
بتسرح الفيل ومتضربش من اول ناتشة لما الفلة تغطص او تغمىء وعلى فكرة اختيار الوقت المناسب للنتشة والضرب يعتبر مهم جدا علشان لو ضربت بدرى مش هتكون السمكة بلعت وهتكون كانت بتنتش من تحت المدلدل نصف حرفنة صيد الريم فى انك تعرف امتى تشكم


[ندعوك للتسجيل في المنتدى أو التعريف بنفسك لمعاينة هذه الصورة]

ودة شرح مصور لطريقة تركيب الريم على السنار :

[ندعوك للتسجيل في المنتدى أو التعريف بنفسك لمعاينة هذه الصورة]

عدل سابقا من قبل simon2008 في مارس 10th 2013, 17:50 عدل 3 مرات

descriptionjhiuhjرد: تعلم الصيد بالريم باحتراف

more_horiz
تسلم ايدك يا باشا علي الشرح الجميل

والمعلومات القيمة صراحة

ممممممممممششششششششششششكككككككككككككككككككرررررررررررريييييييييييييين lol!

descriptionjhiuhjرد: تعلم الصيد بالريم باحتراف

more_horiz
واللة انتا نورت موضعى بالرض علية اخ غضباوي شكرا ليك

descriptionjhiuhjرد: تعلم الصيد بالريم باحتراف

more_horiz
مشكوووووووووور كتير

descriptionjhiuhjرد: تعلم الصيد بالريم باحتراف

more_horiz
بسم الله ما شاء الله عليك. ربنا يبارك لك على هذه المعلومات القيمة. اعتبرنى صديق من الان.

descriptionjhiuhjرد: تعلم الصيد بالريم باحتراف

more_horiz
شرف ليا تكون صديق ليا بالطبع

descriptionjhiuhjرد: تعلم الصيد بالريم باحتراف

more_horiz
موضوع رائع الف شكر لحضرتك
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد