منتدى الصيد و الهوايات
شكلك كدا بتلف كتير فى المنتدى ومش ناوى تسجل ياحلو
اشترك معانا دلوقتى

منتدى الصيد و الهوايات

منتدى الصيد و الهوايات
 
الرئيسيةالبوابةالأحداثالمنشوراتبحـثالتسجيلدخول

شاطر | 
 

 انواع الطعوم لصيد الاسماك في النيل وطرق صناعتها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
simon2008
مشرف متميز
مشرف متميز
avatar

السيرة الذاتية : اعشق صيد الاسماك لدرجة الجنون ومستعد للذهاب الى اى مكان بة صيد وفير احب التعرف على اصدقاء جدد باستمرار مدام صداقة لا يدخل بها اى مصالح واعشق ايضا الالكتريونيات
ذكر
الثور
عدد الرسائل : 96
العمر : 35
تاريخ التسجيل : 13/12/2011

مُساهمةموضوع: انواع الطعوم لصيد الاسماك في النيل وطرق صناعتها    مارس 21st 2012, 16:41

اولا انواع الطعم المستخدمة فى النيل هى كالاتى :

الطعم " الدود" - العجينه – الريم – الغله – الفواكه – المصارين - الحشرات

اولاا الطعم او الدود :

يعيش دود الارض على حواف الانهار ( والترع - والرشاح ) وفى الاماكن الرطبه ويكثر اثناء انخفاض المياه .
ويوجد فى الاراضى الزراعيه التى تكثر من الرى على بعد حوالي 70 سم من سطح التربه.

وطبعا مفيش سمكة فى النيل مش بتعشقة ومش بتدخل علية وممكن تصطاد بية حداف او فل واغلبنا طبعا يعرفة واكيد اتعامل معاة وطعم الطعماية صاحية افضل و تكون مدلدله من السن للحركه واغراء السمك بس مش مدلدلة جامد علشان السمكة متكلش من تحت وتهرب وممكن اكثر من طعامية الى بنسميها عنكبوت
ويفضل الصيد بية فى اليل علشان بالنهار مش هيدخل علية غير الشر

وعلشان تحافظ علية فى اكتر من طريقة تحطة فى علبة محكمة الغلق وفى درج الثلاجة او ممكن خيش مبلول او طين فى اناء يفضل يكون من الفخار

ثانيا الغلة:

وهو عبارة عن القمح البلدي ويستحن من النوع ذو الحبه الكبيره وان يكون كامل ( يعنى بقشرة )
مش بتاع البليلة لان القمح بدون قشرة لا يصلح ابدا

بنشتغل بية من اول الظهر وحتى غروب الشمس وطبعا لازم يكون دور غلة والسمك متعود عليها وتزفر قبل ما ترمى بوقت كافى ودة بيدخل علية البلطى ومينفعش فى الحداف فل وبس واماكن الصيد بية من على الشاطيء ولازم يكون الدور ميتة هادية يعنى مش حامية يعنى الغله عايزه دور مياة ضحله الى حد ماوالارضيه طينيه ومافيش حجارة عشان تسهيل الرؤيه للسمك او وسط ورد النيل والزلف اى الحشائش والهيش
تجهيز الدور عن طريق عمل أكثر من مراية يعني أعمل خمس مرايات والتنقل بينهم طول اليوم والدور الى يشتغل معاك ماتسبوش ولعمل المرايه عن طريق رش كبشتين من الغلة علي ارضية الدور بحيث تكون نصفها في الماء والنصف الاخر علي البر على مسطح طين " ارضيه طينيه " " الغلة المستخدمة للتزفير نص سوا " علشان السمكة ما يعرفش ياكلها ويدخل على الحباية المستويه على السن" وظريقة التطعيم بيها ضع حبة غلة واحدة علي السن الامامي بحيث لاتظهر مقدمة السن الحادة عند الصيد عن طريق شك القمحة فى السن من ناحية مكان الانبات فى الحبة لانة اقوى مكان فى القمحة ويفضل الغماز (حرامي) أصغر غماز تلاقيه و الرصاص ورق "قشر" وبنحافظ عليها عن طريق وضعها فى طبق مغطي بالمياة موضوع فى الثلاجة
اما إذا كانت مستويه فتوضع فى اكياس تحت الفريزر
ولا توضع بالفريزر عشان لو وضعت بالفريزر بتسود

ثالثا الريم:

الريم وهو نوع من الطحالب المائية التى تتواجد فى البيئة الطبيعية للاسماك وهى لا تصلح الا للاسماك التى تتغذى على النباتات وهو نبات اخضر ينمو علي جنبات احجار النيل وفي اي مكان يوجد به هدار او منحدر كبير للماء ودة بيكلة البلطى والبنى والمبروكة وستخدم من اول طلوع الشمس حتى الغروب ومينفعش بردة حداف فل وبس وبطعمة عن طريق اخذ خصله من الريم رفيعه طولها 5 سم
وتمسكها من المنتصف وتضعها على رأس السن من المنتصف من عند الخيط بحيث يكون الطرفين سايبين
وتبدأ تلف النصف الاول على السن بدايه من رأس السن المترمل وتظل تلف حوالي 6 لفات الى ان تصل الى سلاح السن
ثم تبدأ بلف النصف الثاني فى الاتجاة العكسي للف النصف الاول وتسيب الباقي مدلدل من السن ويجب الفله صغيرة ورصاصه توزنها بحيث ما يكونش ظاهر من الفله غير الشفاطة وبنحافظ عليها في ورق جرائد مبلل ولازم يكون رطب دائماً وممكن قطعة من الخيش او القماش المبلولة فوق الجرنال ويتم وضعها فى درج الثلاجة قبل الصيد بيوم واحد ليس اكثر
لانها ان لم تكن طازة بتشيط وتسود واثناء الصيد تكون فى مكان ضل

رابعا العجينة:

تعتبر العجينه من اسهل انواع الطعم وارخصها وممكن تستخدم للبطلى ف الفل عن طريق عمل كور صغيرة جدا ووضعها على اول السن وايضا حداف عن طريق برمها فى السن فى الفل زىالريم من او ل النهار حتى الغروب وفى الحداف هكذا لاكن ممكن فى الحداف الصيد بها فى اليل ولكن لاا يفضل لئن السمك فى اليل بيكل على فترات طولة والعجينة مش هتصمد وقت طويل على السن طبعا وبيدخل عليها بلطى وبنى ( راى ) ومبروكة وشلبية
والعجينه الزفرة قراميط وبياض ونقوم بصنع العجين عن طريق عدد 2 رغيف بلدي طازج تبلل بالماء وتدعك باليد حتي تصبح عجينه متجانسه القوام وقد يضاف اليها قليل من الماء مع الدعك باليد حتي الوصول للقوام المطلوب والعجينة الزفرة عبارة عن عدد 2 رغيف بلدي ني ويضاف اليها دم ذبيحة وكميه من الحنتيت
وتخلط جيدا وتدفن في الارض في منطقة معرضه للشمس لمدة ثلاثة ايام
( لها رائحة زفرة قويه جدا لن تتحملها) نظرا لوجود الخميرة في عجينه الخبز ودم القلبيحة والحنتيت
وجميعها تحللت تحت تاثير اشعة الشمس وممكن تضيف زبل حمام او زبل ابو قردان
وهي فعاله في صيد القراميط
بالنسبه للحنتيت يباع عند العطار بالجرام وبـ 5 جنيه يكفيك
لونها بني داكن - ناعمة الملمس - طرية عند الضغط عليها ريحتها عاديه فى الاول بس بعد تجهيزها بتكون سيئة جداً ودي بيطفش منها السمك ما عدا القراميط والثعابين
ولتحضيرالحنتيت نفتته قطع صغيرة ثم وضعه فى زجاجة فاضية ونصب علية مية بتغلى ونفضل نرج الزجاجة لغاية الحنتيت ما يدوب وبعدين نستخدمة فى العجن
انصح باستخدام جوانتي بلاستيك يباع في الاجزخانة
من اللممكن استخدام العجينه بدون دفن او الاستغناء عن شيء من الاشياء السابقة بس دة هيقلل مفعولها

خامسا الفواكهة والمقصدو بيها العنب البناتى:

صيد صعب ويحتاج لصبر ينفع باليل والنهار ودة حداف بس منفعش فل وبيدخل علية القراميط – المبروكه – البني – البلطي - قشر البياض بس الى بيدخل علية اكتر حاجة البنى والقرموط
وبطعم بية عن طريق ادخال 7 حبات عنب الى 10 حبات فى منتصف العنبه بحرص مكونه شكل حبات السبحه ويكون العنب مغطى السن وبقية العنب مثبت فى بقيه الخيط اعلى السناره ويفضل انك تطعم الاول قبل تركيب الوش عن طريق ئبرة خياطة بدخلها عكس السن فى الخيط من فوق ودة علشان ميهريش الحباية وبعد كدا تعمل الخية وتركب الوش بس طبعا عملية مملة انك تقطع الوش كل مطعم وتركب غيرة

سادسا الحشرات :

وتتمثل فى
الصرصار " الفانتوم " طبعا غني عن التعريف (الصيادين بيسموه فانتوم) و الصراصير لها رائحة زفاره يعلمها السمك تماما يعني إن تواجد فى المكان يبأي السمك مش هياكل غيرة ودة بيشتغل باليل والنهار لاكن يفضل الليل وحداف بس ودة بيدخل علية البلطى والبنى والبياض والشلب ودة بيحفظ بوضعة فى برطمان مثقوب ثقوب صغيرة من الغطا بطعم بية بنفس طريقة الطعم او الدود

واخيرا المصارين :

وهى مصارين الفراخ او البط او الحمام
و مصران البط او الحمام الاولى لانها زفرة جدا والتانية لانها بتبقى صغيرة وسهل تدكيكها وطريقة تحضرها بتجيب المصارين من عند بتاع الفراخ
و تفرزها من بعضها وتضعها علي خمس ست ورقات جرائد فوق بعض
وتضعها في مكان جيد التهويه وترش عليها ملح وتقوم بتغير الورق علي فترات
حتي يتماسك قوامها لانها بتبقى مظفلطة اوى وصعب تتحط على السن ثم تقوم بتقطيعها ودة بيدخل علية ابياض والقرموط و الرعاد طريقة تركيبها في السن تغز حته وتخرج حته مش تدككها لو دككتها مرة واحدة هتطلع بسرعة وطبعا ملهاش طريقة حفظ علشان كل مسبتها كل مرحتها بئت اصعب ودة المطلوب

اسف لو طولت عليكم بس الموضوع بطبعة هو الى طويل ويارب اكون ا فتكم







[ندعوك للتسجيل في المنتدى أو التعريف بنفسك لمعاينة هذه الصورة]simonelmistro
الرجوع الى أعلى الصفحة اذهب الى الأسفل
محمد كابو
صياد جديد
صياد جديد


ذكر
السرطان
عدد الرسائل : 9
العمر : 23
تاريخ التسجيل : 09/06/2012

مُساهمةموضوع: رد: انواع الطعوم لصيد الاسماك في النيل وطرق صناعتها    يونيو 9th 2012, 16:26

لا يباشا طول طول الكلام كلو افادة و الله
الرجوع الى أعلى الصفحة اذهب الى الأسفل
سامح البوب
صياد هاوى
صياد هاوى


ذكر
الدلو
عدد الرسائل : 26
العمر : 37
تاريخ التسجيل : 26/11/2012

مُساهمةموضوع: رد: انواع الطعوم لصيد الاسماك في النيل وطرق صناعتها    نوفمبر 26th 2012, 15:58

ئية الجمال دة واللة انتا فعلاا نجم
الرجوع الى أعلى الصفحة اذهب الى الأسفل
ahmed mosbah
صياد جديد
صياد جديد


ذكر
الميزان
عدد الرسائل : 9
العمر : 47
تاريخ التسجيل : 15/02/2013

مُساهمةموضوع: رد: انواع الطعوم لصيد الاسماك في النيل وطرق صناعتها    فبراير 15th 2013, 02:33

والله والله يا صديقى العزيز انا جربت اصطاد بالعنب البناتى وطلعت قراميط احجام تقييييييييييييييلة تصل الى 5 و 6 كيلو وانا مكنتش مصدق ان القراميط تاكل عنب ولكن جربت والحمد لله تجربتى نجحت وكنت سعيد قوى والفضل يرجع لربنا سبحانه وتعالى وليك يا استاذ الصيد والمعلومات
الرجوع الى أعلى الصفحة اذهب الى الأسفل
simon2008
مشرف متميز
مشرف متميز
avatar

السيرة الذاتية : اعشق صيد الاسماك لدرجة الجنون ومستعد للذهاب الى اى مكان بة صيد وفير احب التعرف على اصدقاء جدد باستمرار مدام صداقة لا يدخل بها اى مصالح واعشق ايضا الالكتريونيات
ذكر
الثور
عدد الرسائل : 96
العمر : 35
تاريخ التسجيل : 13/12/2011

مُساهمةموضوع: رد: انواع الطعوم لصيد الاسماك في النيل وطرق صناعتها    فبراير 15th 2013, 16:19

اهلاا بيك اخى الكريم ahmed mosbah نورت موضعى بالرد لعلية كلنا هنا اسرة واحدة والى يعرف حاجة بيقولها علشان يستفيد منها الاخرين وانا تحت امرك وتحت امر اى عضو مع تمنياتى ليك بالتوفيق


[ندعوك للتسجيل في المنتدى أو التعريف بنفسك لمعاينة هذه الصورة]simonelmistro
الرجوع الى أعلى الصفحة اذهب الى الأسفل
MAGDY ABD ELMONEM
صياد جديد
صياد جديد


ذكر
السرطان
عدد الرسائل : 1
العمر : 59
تاريخ التسجيل : 01/11/2015

مُساهمةموضوع: رد: انواع الطعوم لصيد الاسماك في النيل وطرق صناعتها    نوفمبر 1st 2015, 07:22

جزاكم الله كل خير
الرجوع الى أعلى الصفحة اذهب الى الأسفل
 
انواع الطعوم لصيد الاسماك في النيل وطرق صناعتها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الصيد و الهوايات :: قسم الصيد والقنص :: صيد الاسماك-
انتقل الى: