منتدى الصيد و الهوايات
شكلك كدا بتلف كتير فى المنتدى ومش ناوى تسجل ياحلو
اشترك معانا دلوقتى

منتدى الصيد و الهوايات

منتدى الصيد و الهوايات
 
الرئيسيةالبوابةالأحداثالمنشوراتبحـثالتسجيلدخول

شاطر | 
 

 طريقه عمل دود السبله الطريقه مجربه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
bolbol
صياد هاوى
صياد هاوى


ذكر
الميزان
عدد الرسائل : 15
العمر : 46
تاريخ التسجيل : 26/08/2011

مُساهمةموضوع: طريقه عمل دود السبله الطريقه مجربه   أكتوبر 23rd 2011, 17:06

بعد البحث والتنقيب عن بدائل الطعم استطعت بعون الله ان اتوصل الى طريقه عمل الدود بتاع السبله وبتاع اليرقات
من خلال الانترنت وبعد ما عملت مزرعه الطعم ونجحت وقدرت انتج طعم يكفينى طول السنه
حبيت اعمل المزرعه بتاعه الدود لان فى ناس كتير هاويه الصيد بالدود
ويا ريت اكون قدرت افيد اعضاء المنتدى







انا وعدت اعضاء المنتدى انى هاصور مزرعه الدود لما يطلع الدود ويظهر
وفعلا ظهر الدود فى المزرعه بس للاسف انا اتأخرت شويه لانى كنت مشغول
لكن قدرت اصور الدود بعد ما ظهر بيومين وكميه كبيره اتحولت لسوس لانى اتأخرت فى لمها
ودلوقتى انا هاشرح الطريقه للى يحب يعمل دود (يرقات ) ودود (سبله)
دوده اليرقات حجمها كبير يعنى ممكن تحط 2 دوده على سن 9 ويبقى مليان
اما دوده السبله فمعروفه لناس كتير



الادوات
شنيور
اثنين جازله بلاستيك فاضيين بمقاسين مختلفين(او جردلين بلاستيك)
قش ارز
تراب
مصارين فراخ
عيش ناشف مدقوق



الطريقه 1
يتم ثقب الجازله الاولى من القاع بالشنيور حوالى 20 او 25 فتحه بمقاس بنطه كبير ( 12 )
ثم تثقب الجوانب الاربعه بعد ترك اسفل الجازله مسافه 30سم بدون ثقب لوضع المصارين
تترك الجازله الثانيه بدون ثقب ودى يكون مقاسها اكبر شويه من الاولى لسهوله تركيبهم على بعض


نضع بعض قش الارز فى قاع الجردل الاول ثم بعض التراب عليهم
نضع المصارين اللى جبناها من بتاع الفراخ فى الجردل ونغطيهم بشويه تراب على الوش
نقفل الغطاء على المصارين ثم نضع الجردل المثقوب داخل الجردل التانى السليم
نضع العيش الناشف فى الجردل السليم علشان الدود ينزل ياكل العيش
بعد حوالى 5 ايام او 6 ايام هاتلاقى الدود فى الجردل اللى تحت بياكل العيش ونضيف من اى حاجه
تلم الدود اللى اتعمل فى علبه وتحطله شويه عيش ناشف علشان ياكله
وبكده يكون معاك دود جاهز للصيد فى اى وقت طول السنه من غير ما تتعب وتدور
وبكام بربع جنيه او ببلاش
الدود الناتج من العمليه دى دود كبير ممكن تحط 2 دوده فقط على سن 9 وتملاهم
لان الدود ده اللى بيصطادو بيه فى الدول الغربيه بتاع يرقات مش بتاع الذباب اللى زى عندنا فى السبله

ملحوظه هامه جدا جدا
الطريقه دى لو اى حد هايعملها لازم يخلى باله من حاجه مهمه جدا
ان الجردل اللى هايتعمل فيه لازم يكون بعيد عن الناس لانه بيطلع ريحه وحشه جدا فى اول 4 ايام
انا عن نفسى عملته فى الدور الخامس على السطح علشان الريحه جامده اوى



الطريقه 2
لو عاوز تعمل دود السبله اللى احنا متعودين عليه هى نفس الطريقه الاولى ولكن
هانغير المصارين بشويه زبل بتاع الفراخ اوروث الحيوانات اوزبل الطيور بانواعها
الاول هانبلهم بالماء لحد ما يبقى الزبل طرى وبعد كده هانحط القش والتراب فى الجردل
وبعد كده هانحط الزبل فى الجردل ونغطيه بشويه تراب
بعد 5 ايام او6 حسب حراره الجو هايكون عندك دود اصفر مالوش حل



ملحوظه هامه جدا جدا

لو سبت الدود اكتر من 6 ايام او 7 ايام هايتحول الى شرنقه ( سوسه) علشان تكمل طور التحول وتبقى ذبابه
يعنى ممكن تحسبها زى ما انت عاوز انت طالع امتى تصطاد وتعمل الدود قبلها
او ممكن تعمل اكثر من جردل ويكون عندك الدود فى اى وقت
على فكره انت بتاخد دود يومين ورا بعض وبعد كده بيبدأ الدود يعمل شرنقه (سوسه )لو انت سبته فى الجردل



انا بجد حاولت اكتب الموضوع على قد ما قدرت
ويا ريت اكون قدرت افيدكم




دى بعض مقاطع الفيديو اللى انا اخدت منها الطريقه وعملتها بالطريقه المصريه
لو اخدتوا بالكوا فى الفيديو بيحط فراخ بانيه علشان يعمل الدود
يعنى علشان الواحد يعمل شويه دود يجيبله كيلو فراخ بانيه وعجبى....................................
انا حاولت اجرب اكتر من حاجه احطها بدل الفراخ البانيه واتوصلت الى مصارين الفراخ ارخص طبعا من غير فلوس

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط] ... 37C9A6AFBB
[ندعوك للتسجيل في المنتدى أو التعريف بنفسك لمعاينة هذا الرابط]
فى الفيديو على نفس الصفحه فى دود ملون انا هاحاول ابحث فى الموضوع يمكن اوصل لحاجه
ويا ريت لو اى واحد قدر يوصل للطريقه ممكن يفدنا بيها
الرجوع الى أعلى الصفحة اذهب الى الأسفل
 
طريقه عمل دود السبله الطريقه مجربه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الصيد و الهوايات :: قسم الصيد والقنص :: صيد الاسماك-
انتقل الى: