بسم الله الرحمن الرحيم



اسئلة شخصيه

س1 الاسم بالكامل ؟

ج1 احمد حسن محمد علي الساعي



س2 عمرك كام سنة ؟ متزوح ؟

ج2 23 سنه , متزوج



س3 من ناشئين نادي المنصورة ولا منتقل من نادي اخر ؟

ج3 ناشئين نادي المنصورة



س4 اية النادي المفضل ليك محليا وعالميا ؟

ج 4 الاهلي محليا وعالميا ريال مدريد .



س5 ايه الدوري الي نفسك تحترف فيه ؟

ج5 الدوري الانجليزي



س6 من هو مثلك الاعلي محليا وعالميا ؟

ج6 محليا محمد ابو تريكة وعالميا كرستيانو رونالدو



س7انت ايه مركزك الحقيقي ( وسط ملعب أم باك شمال أم باك يمين ام راس حربة ) ؟

ج7 انا بلعب في كل المراكز دى .. بس انا بحب العب اكتر تحت المهاجمين



س8 بما ان النواحي الهجومية عندك اكتر من النواحي الدفاعية .. لماذا لا تلعب في نصف الملعب ؟

ج 8 دى
حاجة ترجع للمدرب .. هو بيبقي شايف اني احسن في المركز ده ... ولما
بيحتجني فى مركز صانع اللعب بأدى فيه .. وكل الماتشات الي فاتت كنت ببدأ
في مركز الباك الشمال والشوط التاني تحت راس الحربه .




س9 ماهي الرجل المفضلة ليك الشمال او اليمين وايهما اقوي ؟

ج9 انا بحب العب بالاتنين لكن الاساسية القدم اليمين .



س10 كنت متوقع ضمك فى قايمة المنتخب ؟ ولما خرجت إتفاجئت ولا لأ ؟

ج10 انا
كنت ماشي كويس وكنت متوقع الانضممام للمنتخب بس الحمدلله علي كل شيئ ودى
اختيارات كابتن حسن وبتمني التوفيق للمنتخب سواء موجود معاهم او لا








س11 فعلا كنت بتلعب مهاجم صريح في الناشئين ؟

ج11 مش ديما ... كنت بلعب تحت راس الحربة وسعات مهاجم صريح



س12 شعورك بعد إحرازك أول اهداف الدوري في مرمي وحش افريقيا عصام الحضري ؟

س 12 انا
بحب الكابتن عصام جدا جدا ... بالنسبه للهدف كان هدف في بداية الموسم
والحمد لله كنت عامل ماتش كويس ومكنتش مصدق نفسي انى جبت جون في الكابتن
عصام في اول ماتش العبه ضده ..




س13 اية رايك في الدوري المصري ؟ ومين احسن نادي في الدور الاول ؟ ومين احسن لاعب ؟

ج 13 الدوري
المصري قوي جدا وخاصه السنه دى لكن زحمه الماتشات الي ورا بعض بوخت الدورى
.. والدورى السنه دى اقوى من اى سنه فاتت ... احسن نادى الاهلي واحسن
لعيب.. فيه جدو وريعو واسامه محمد وشديد قناوي ووالى موافى والسيد حمدي
كان بدأ بداية قوية .








اسئلة عن نادي المنصورة



س 1 ايه سبب انهيار الفريق فى الدورى بعد البدايه الجاده ؟

ج1 كان
فيه مشاكل بدون الدمحترم في تفاصيل والماتشات كلها كانت ورا بعد .
والمفروض احنا فريق لسة صاعد مش عنده الخبره الكافيه ..المفروض المدرب
بيشتغل بعد الماتش لتصحيح الاخطاء .. بس ده مكنش موجود بسبب الماتشات
كانت ورا بعض مكنش فية مساحة لتصحيح الاخطاء . الماتشات الي فاتت كنا
بنعمل ماتشات عاليه لكن الاخطاء بتتكرر .. بس مش زى ما تقال ان الساعي
ومحمود ابو السعود ووالى هما السبب في انخفاض المستوى ...




س2 اية المقومات التى تؤدى الى نجاح الفريق ؟

ج2 احنا
محتاجين مجلس اداره يقف جنب الفريق . لأن احنا محتاجين فعلا اكتر من مركز
فى الفريق وصدقني ان احنا فريق بيلعب كوره حلوه ولو الحجات دي اتحققت
هنبقى فى مركز كويس في الدورى ..




س3 هل اضاف الكابتن محمد حلمي لنادي المنصورة أي شيئ ؟

ج3 اكيد



س4 ما الفرق بين الكابتن احمد سند والكابتن محمد حلمي ؟

ج4 الكابتن محمد حلمي له شخصيه واسلوب والكابتن سند له شخصيه واسلوب مختلف ...

س5 كيف استلقيت خبر اقالة الكابتن محمد حلمي ؟

ج5 كنت مضايق جدا .. هو انسان محترم وانا بحبه جدا جدا



س6 ليه المنصورة مش في مركز متقدم في الدوري رغم وجود لاعبين متميزين ؟

ج6 قله خبره من اللاعبين ...



س7 شايف الدور التاني للمنصورة عامل ازاي ؟ وهل ممكن يحصل زي اللي حصل الموسم الفائت ويعوضو اللي حصل الدور الاول؟

ج7 مفيش حاجة مستحيله في الكوره . الدورى صعب لكن ان شاء الله عندنا 8 ماتشات علي ارضنا نقدر نكسبهم ان شاء الله



س8 محمود ابو السعود كان ماله في اخر لقاء امام الزمالك ؟

ج8 محمود
كان قدم مباراه كويسه بس أي لاعب ليه غلطات .صعب حد مش يغلط .بس هو حظة
انه غلط في الكوره الي دخات جون بس محمود كان مقدم مباراه عاليه
.



س9 ايه فى اعتقادك اللى حصل الموسم الماضى جعل المنصوره يتفوق على سموحه فى النهايه؟

ج9 اللعيبة كلها كانت رجاله وواقفه مع بعض ومجلس الادارة وقف معانا والكابتن احمد سند كان عامل شغل ممتاز مع الفريق .

مفيش
حاجة اسمها لعيبه سموحه سابت الماتشات كل لعيب بيعمل تاريخ ومستقبل
لنفسه لان هما حتى لو صعدو وسابو الفريق هيروحو فرق تانيه كويسه ..














اسئلة مستقبليه

س1 مكمل مع المنصوره ولا هتمشي في يناير

ج1 لحد الان مكمل مع المنصوره



س2 هل من طموحاتك الاحتراف ولا ده مش في ترتيبات حياتك ؟

ج2 اكيد اي لاعب يتمني الاحتراف .



س3 هل ترغب في الانضمام لنادي كبير ؟

ج3 اكيد



س4 لو طلبك الاهلى والزمالك ايهما ستفضل الانضمام اليه ؟

ج4 الاتنين انديه كبار وشرف ليا انى العب لأي فريق فيهم ..لكن افضل النادي الاهلى ..لكن لو لعبت للزمالك شرف ليا طبعا ..



س5 فيه اى شخص اتصل بيك من النادى الاهلى بخصوص الانتقال لصفوفه .... ولو هناك عدة عروض من اكثر من نادى والاهلى ليس اعلاها مادياً ….. فماذا سيكون اختيارك ؟

ج5 نادى الاهلي اى لعيب يتمنى يلعب فيه..النادى الاهلي لو جالى من غير فلوس هلعب فيه مع احترامى لباقى الانديه ..



س6 فيه خبر بيقول ان الاهلي هيبيع شفيق و خلف مقابل انك تروح للاهلي ما صحه هذا الخبر؟

ج6 انا
سمعت نفس الكلام في النادي وسمعته من الحج ابراهيم لكن الكلام بيبقى مع
مجلس الادارة ومدير اعمالى مش معايا .. انا سمعته زى الناس






س8 توقعاتك لمنتخبنا في انجولا 2010 ؟

ج8
ربنا يكرمهم الواحد بيتمنى ان ربنا يكرمهم لان دى حاجة بتشرف الكورة
المصرية كلها والواحد بيدعلهم ربنا يوفقهم ويعملوا حاجة فى انجولا باذن
الله